Waffling Beans

Open Now

Now Closed

特色列日窩夫！本身想約朋友食韓國菜，點知佢星期二唔開，附近見到有呢一間食窩夫嘅西餐廳，一於入去試吓！不過用完QR code點餐都要等十幾二十分鐘先知上菜，等得耐少少。蟹肉牛油果窩夫三文治跟薯條$95- 窩夫、薯條同沙律用咗一個心形木盤上菜，效果幾靚。列日窩夫質地紮實，唔似平時嗰啲外脆內軟。而且已經有調味，鹹鹹地嘅香草味道，就咁食都已經幾好味，加埋蟹肉牛油果醬鮮味就更加突出。可惜窩夫份量仲細過我隻手掌，呢個價錢我期望會大塊啲。不過個人認為呢款牛油果窩夫好難好似三文治咁夾住食，兩塊窩夫分開切嚟食會方便啲。薯條新鮮炸起好味道，沙律亦清新。