開飯主義

Open Now

Now Closed

溶岩拉絲麵包芝士炸雞 $85 賣相好正，價錢都好平民化，不過食落就無乜驚喜。炸雞有2隻雞中翼連雞尖，3隻雞槌，唔係好多肉食。芝士溶岩除左面頭有一層芝士，之後食落感似忌廉湯，仲有蘑菇片，唔係好拉到絲，而且夠點炸雞又唔夠薯角同麵包。鐵板珍寶腸什扒 $85半邊珍寶腸，加上豬扒雞扒牛扒，真係超值價！肉質唔老，墊底薯菜又唔會燶或者淋晒。另上的咖喱汁幾香，味道唔錯。不過呢個什扒唔係晚餐套餐，要加$15配湯，餐包及飲品，抵到爛啦！係牛角包，凍飲都唔駛再加錢。晚餐套餐餐牌上見到有個珍寶腸什扒飯，價錢只係$65，唔知份量差幾多呢。