Video
Read full review
2021-03-15
177 views
今晚心血來潮想食生煎包 上網搵到呢間生煎包專門店 仲有其他上海菜式食 就嚟咗試一試🤓餐廳舖面唔算大 但係都坐得幾舒服 餐牌除咗散叫之外 仲有晚市套餐 咁我同友人就叫咗一人一個晚市套餐 加小食同野飲 再叫多咗個散叫嘅外婆紅燒肉😛外婆紅燒肉 肉嘅份量都唔少 仲要嚿嚿都幾大 肥瘦尚算適中 咬落口唔會好鞋 味道鹹鹹地同少少甜 唔怕肥嘅朋友可以連埋塊豬皮食🙊跟住係晚市套餐嘅部分 上海粗炒 幾大碟 而且好足料 有冬菇絲 椰菜 肉絲 大碟到淨係食呢碟都飽晒👍🏻 好抵食糖醋脆黃魚菜飯 呢個同我想像中有出入 本身以為黃魚係一條咁上嘅 原來係比較似魚塊咁 同咕嚕肉好相似 酸酸甜甜都幾開胃🐟另外加10蚊就有多樣小食 我地揀咗堅信號生煎包同埋麻辣豬耳 生煎包細細隻 賣相已經好靚 幾多汁 檯面有寫點樣食呢個生煎包 記得要小心熱 真係會爆汁🙊🙊麻辣豬耳 果然冇令人失望 呢個好爽脆 麻辣味好香 非常惹味 個人幾中意呢個小食 因為唔算好麻 但辣味幾香🌶灌湯小籠包 每個餐都跟兩隻小籠包 真係好抵食 而且每隻都係有好多湯係入面 又唔會上碟時係蒸籠已經穿咗漏晒汁😚凍豆漿 飲翻杯凍豆漿先似翻食上海野🤤 酸辣湯 都幾足料 而且
今晚心血來潮想食生煎包 上網搵到呢間生煎包專門店 仲有其他上海菜式食 就嚟咗試一試🤓
餐廳舖面唔算大 但係都坐得幾舒服 餐牌除咗散叫之外 仲有晚市套餐 咁我同友人就叫咗一人一個晚市套餐 加小食同野飲 再叫多咗個散叫嘅外婆紅燒肉😛
外婆紅燒肉 肉嘅份量都唔少 仲要嚿嚿都幾大 肥瘦尚算適中 咬落口唔會好鞋 味道鹹鹹地同少少甜 唔怕肥嘅朋友可以連埋塊豬皮食🙊
跟住係晚市套餐嘅部分 上海粗炒 幾大碟 而且好足料 有冬菇絲 椰菜 肉絲 大碟到淨係食呢碟都飽晒👍🏻 好抵食
糖醋脆黃魚菜飯 呢個同我想像中有出入 本身以為黃魚係一條咁上嘅 原來係比較似魚塊咁 同咕嚕肉好相似 酸酸甜甜都幾開胃🐟
另外加10蚊就有多樣小食 我地揀咗堅信號生煎包同埋麻辣豬耳
生煎包細細隻 賣相已經好靚 幾多汁 檯面有寫點樣食呢個生煎包 記得要小心熱 真係會爆汁🙊🙊
麻辣豬耳 果然冇令人失望 呢個好爽脆 麻辣味好香 非常惹味 個人幾中意呢個小食 因為唔算好麻 但辣味幾香🌶
灌湯小籠包 每個餐都跟兩隻小籠包 真係好抵食 而且每隻都係有好多湯係入面 又唔會上碟時係蒸籠已經穿咗漏晒汁😚
凍豆漿 飲翻杯凍豆漿先似翻食上海野🤤
酸辣湯 都幾足料 而且酸同辣味都幾適中 不過不失咁啦
總括嚟講 呢間上海店都算係價廉物美 絕對係窮人恩物 肯定食到飽🙊
Post
