樂天廚房 (Closed)

今晚9點半入到去間餐廳，我已經間門口個女侍應，關門未，因為我上次都試過9點入去食野，我左15分鐘冇人落單，啲野食嚟左，9點40分都冇，比個宜家冇做嗰個經理叫埋數，因為阿媽要食呢間，所以今次入去前就問左先，女侍應話仲未收，好喇，咁我就馬上叫嘢食，因為我都係做呢行所以都同老婆講唔好叫啲湯面，怕啲廚洗左爐，女侍應都馬上同我講有啲嘢冇，我都知道，咁我都叫餐，得大家方便啲，叫左兩個雞飯錯左一個，叫三杯野飲又錯左一杯，又話冇餐湯，我都算，咁我叫個肉醬意粉諗住最簡單，佢哋又話冇意粉叫我轉飯，格多10分鐘，又再同我講冇肉醬，真係火都嚟左，咁我取消唔要喇，真係好鬼想走入廚房話佢哋，點樣做廚師佢哋，如果真係唔做生意，可以出去同啲樓面講唔做生意我就唔會入嚟，搞到唔開心都係做樓面啲伙記，好唔專業，咁唔想做同您老細講9點半關門嘛！