i CREMERiA Café (Closed)

第一次寫食評，就係要比劣評🤬🤬 7點半左右等位入座，睇定晚市食d咩意粉，等咗好耐終於有人走，但係門口個侍應哥哥完全冇留意，淨係掛住低頭㩒電話send msg同埋放空，唔提佢都唔知有人走執枱俾我哋入去。最後坐低8點鬆d然後出去cashier，嗌餐嗰陣見到有位姐姐遮咗個晚餐牌，然後收銀話過咗last order喇喎，我表示驚訝「頭先比我入座嗰陣冇講過喎！等咗咁耐都冇人講，啱啱都仲有個牌」cashier「廚房要睇下夠不夠食材...你睇吓啲sandwich啱唔啱 我幫你問吓」唔止意粉，最後連麵包都冇激鬼氣！咁就要咗一杯雪糕、一個蛋糕、一杯咖啡，cashier同我講話蛋糕要等因為前面有幾張單，俾咗個牌會送過嚟我張枱，但我等咗半個鐘都唔到！完全唔知點解拎個蛋糕出嚟同沖杯咖啡要沖半個鐘咁耐！最後問佢佢話同事寫錯咗個冧把，依家即刻送上，「即刻」都要等🙄🙄🙄 好明顯連號碼牌出錯，極度唔專業😓我用coupon姐，唔代表我冇俾錢，簡直係貼錢買難受😣 前前後後浪費咗我成個鐘，明明都唔係好多人！完全唔明點解間野咁出名，垃圾！