Video
Read full review
2022-07-28
424 views
喺香港 唔單止九龍城， 其他地方都食過好多間泰國菜餐廳。今次行開九龍城，買完拜神嘅花，諗住食埋飯先走。呢間餐廳其實行過好多次，今次終於入去試下。入去前見到應該冇乜冷氣，唔緊要！見佢門面好舊，應該開左好多年？應該有保證！結果中伏啦！！！一入到去，睇完一輪餐牌，都係例牌嘅泰國餸，冇乜特別。落order侍應嘅態度非常🙅🏻♀️！我2個人叫左5樣嘢。串燒 -2雞2牛2豬泰式酸辣鳳爪生菜肉碎包泰式炒粉絲燒鯽魚串燒雞 有酸味，豬 鞋 好乾，牛 算正常但都係鞋！沙嗲汁 好希 唔好食！泰式鳳爪應該係我食過最難食嘅泰式鳳爪！完全冇味！上到枱成碟野好似冇撈過咁！鳳爪完全係白雪雪！(圖中 係我自己撈完先食，但都係冇味！)生菜肉碎包生菜係好食 夠脆，但肉碎完全唔正宗！連最重要嘅豬皮都唔落泰式炒粉絲完全唔係嗰回事！佢用炒金邊粉嘅汁嚟炒粉絲！燒鯽魚最簡單 香茅都冇！燒得唔乾身！魚肉係梅嘅！簡單來講！我明白喺香港好難食到正宗嘅泰菜！但呢間嘢，絕對係經典！經典嘅難食！做出嚟嘅餸，可以講係Hea做！求求期期整俾你 你就食啦！我好鍾意食泰國菜，但係圖中係食淨嘅，因為實在食唔落！我諗佢係九龍城泰國菜之最！最Hea！最難食！題
呢間餐廳其實行過好多次，今次終於入去試下。
入去前見到應該冇乜冷氣，唔緊要！見佢門面好舊，應該開左好多年？應該有保證！結果中伏啦！！！
一入到去，睇完一輪餐牌，都係例牌嘅泰國餸，冇乜特別。
落order侍應嘅態度非常🙅🏻♀️！
我2個人叫左5樣嘢。
串燒 -2雞2牛2豬
泰式酸辣鳳爪
生菜肉碎包
泰式炒粉絲
燒鯽魚
串燒
雞 有酸味，豬 鞋 好乾，牛 算正常但都係鞋！
沙嗲汁 好希 唔好食！
泰式鳳爪
應該係我食過最難食嘅泰式鳳爪！完全冇味！上到枱成碟野好似冇撈過咁！鳳爪完全係白雪雪！
(圖中 係我自己撈完先食，但都係冇味！)
生菜肉碎包
生菜係好食 夠脆，但肉碎完全唔正宗！連最重要嘅豬皮都唔落
泰式炒粉絲
完全唔係嗰回事！佢用炒金邊粉嘅汁嚟炒粉絲！
燒鯽魚
最簡單 香茅都冇！燒得唔乾身！魚肉係梅嘅！
簡單來講！我明白喺香港好難食到正宗嘅泰菜！但呢間嘢，絕對係經典！經典嘅難食！做出嚟嘅餸，可以講係Hea做！求求期期整俾你 你就食啦！
我好鍾意食泰國菜，但係圖中係食淨嘅，因為實在食唔落！
我諗佢係九龍城泰國菜之最！最Hea！最難食！
題外話，因為佢係開放式廚房，所以我見到個廚師唔戴口罩！
Post
