Video
Read full review
2020-12-08
737 views
最開心莫過於收工同朋友去Chill下！😝前陣子行開行埋銅鑼灣，順手接老友收工～今次我哋就去咗食新派西班牙菜館"Tapa Room"，睇網上評價不俗，於是就好奇去下！▲一坐低就點了一大堆，太肚餓！（笑）✦ Octopus Carpaccio慢煮八爪魚片，啲肉幾嫩口，一啲都唔韌，加埋蕃茄碎及香菜，幾開胃。✦ Foie Grass Lollipop嚟到呢度一定要食呢一款鵝肝小食！整到好似珍寶珠咁，一口一粒，食用方便！😍呢個小食外層係鵝肝蓉，中間係一粒鵝肝，點住花生碎食，口感豐富！鵝肝濃郁又咸香，佐酒一流！✦ Tuna Carpaccio吞拿魚腩燒到半生熟，肉質肥美，外層仲脆脆地，入口即溶！配上甜醋，味道清新，不錯！✦ Padron Peppers 青椒簡單加粗鹽炒香，青椒甜甜地，粗鹽仍保持顆粒狀，食上口有咬口，不錯。✦ Iberico Ham Croquetas呢款加咗火腿嘅可樂餅， 外皮炸得好酥脆，入口係軟綿嘅薯蓉，熱食真係正爆！✦ Iberico Pork Chop in Sherry Vinegar Gravy 經過慢煮及香煎，黑毛豬鞍個口感真係一流！咬上口「
前陣子行開行埋銅鑼灣，順手接老友收工～今次我哋就去咗食新派西班牙菜館"Tapa Room"，睇網上評價不俗，於是就好奇去下！
▲一坐低就點了一大堆，太肚餓！（笑）
Octopus Carpaccio
$78
12 views
0 likes
0 comments
慢煮八爪魚片，啲肉幾嫩口，一啲都唔韌，加埋蕃茄碎及香菜，幾開胃。
Foie Grass Lollipop
$78
15 views
0 likes
0 comments
嚟到呢度一定要食呢一款鵝肝小食！整到好似珍寶珠咁，一口一粒，食用方便！😍
呢個小食外層係鵝肝蓉，中間係一粒鵝肝，點住花生碎食，口感豐富！鵝肝濃郁又咸香，佐酒一流！
Tuna Carpaccio
$88
13 views
0 likes
0 comments
吞拿魚腩燒到半生熟，肉質肥美，外層仲脆脆地，入口即溶！配上甜醋，味道清新，不錯！
Padron Peppers
$68
15 views
0 likes
0 comments
青椒簡單加粗鹽炒香，青椒甜甜地，粗鹽仍保持顆粒狀，食上口有咬口，不錯。
Iberico Ham Croquetas
$78
7 views
0 likes
0 comments
呢款加咗火腿嘅可樂餅， 外皮炸得好酥脆，入口係軟綿嘅薯蓉，熱食真係正爆！
Iberico Pork Chop in Sherry Vinegar Gravy
$158
9 views
0 likes
0 comments
經過慢煮及香煎，黑毛豬鞍個口感真係一流！咬上口「索索」聲，但肉質Juicy唔乾柴！另外，我勁鍾意佢個醬汁，加咗西班牙嘅Sherry Vinegar，酸酸甜甜，可以減咗豬鞍及炸薯粒嘅油膩感。
Clams in Lemon Wine Sauce
$98
14 views
0 likes
0 comments
呢款係清酒煮蜆嘅朋友！不過落咗檸檬及香草煮，味道比較清新！值得一讚係啲蜆肉好肥美，啖啖肉好過癮！🤤
▲店內有可愛嘅食鬼圖案，玩味十足！
▲可以在Bar order各式美酒。
▲我跟朋友對Tapa Room基本上都幾滿意！另外，呢間店裝潢超eye catching，門口裝有一重重鎂光燈條，閃到爆燈，遠遠都唔怕望唔到！😂
Post
