DKLM Bar & Restaurant (Closed)

兩個女人仔好耐冇相聚，今日難得大家可以掉底小朋友抽時間出來輕鬆一下，我地就選擇出尖沙咀找個地方可以慢慢吹水食下小食咁的地方。一上來見到牆壁上的畫好掂，夠哂有型。 😎我地點左幾款野食一路食一路吹幾爽，蜜糖香燒雞翼 ~ 雞翼燒得剛好皮脆入面肉夠嫩滑一咬仲有肉汁滴出，個面的蜜糖好味好甜。迷你安格斯牛肉漢堡伴車打芝士及松露薯條 ~ 兩件迷你漢堡剛好我地一人一件，個包焗一焗再夾上安格斯牛肉，車打芝士番茄，味道唔錯， 松露薯條用上粗薯條，松露好香，如薯條加ddd 鹽就仲正。豬手 ~ 我們最愛的菜式脆脆的皮，嫩嫩的肉，夠哂味道好岩配啤酒，但我們都趕住回家照顧小朋友，所以冇得啤一啤。