Video
Read full review
2021-11-15
392 views
哩晚係第二次到訪米芝蓮一星餐廳Petrus一嚐佢最新嘅秋季餐單🍁.港島香格里拉酒店以中西風格建築聞名酒店入面有好多名畫同古董Petrus嘅裝修都係走古典路線🕯水晶吊燈、燭台、歐式桌椅、細緻嘅雕刻配埋柔和嘅音樂 有種置身宮殿中晚餐嘅感覺🏰今晚坐嘅窗邊座位仲可以眺望維港海景未見野食 已經靠佈置贏得好印象☺️.值得一讚嘅係 餐廳侍應服務非常貼心每次出入座位 就算只係幾步之遙都會為客人領路 又會為客人拉凳推凳服務都令人留下好好嘅印象☺️今晚有4款Amuse Bouche每款都超出預期地好味！.第一款係貝殼形嘅finger food🐚佢係蛋糕嘅testure不過因為加入左西班牙香腸🐷所以味道帶有鹹香 非常好食.第二款係墨魚汁醃漬三文魚廚師利用墨魚汁 將三文魚包成雲石狀 外形好有心思三文魚底有一片小葉 味道清新可以中和醃漬三文魚嘅鹹味.第三款係蛋白霜蒜蓉撻薄薄帶有微脆嘅撻底 包住蒜蓉面頭擠上細膩嘅蛋白霜有種食緊雲朵嘅感覺☁️.最後一款係凍肉撻透明嘅肉凍包住肉絲口感幾彈牙 有種食緊淆肉嘅感覺係中西合璧嘅感覺🙈😛.Petrus嘅dinner menu可以自由選擇3-5道菜今晚我地就揀左4道菜😛.第一道col
一嚐佢最新嘅秋季餐單🍁
.
港島香格里拉酒店以中西風格建築聞名
酒店入面有好多名畫同古董
Petrus嘅裝修都係走古典路線🕯
水晶吊燈、燭台、歐式桌椅、細緻嘅雕刻
配埋柔和嘅音樂 有種置身宮殿中晚餐嘅感覺🏰
今晚坐嘅窗邊座位仲可以眺望維港海景
未見野食 已經靠佈置贏得好印象☺️
.
值得一讚嘅係 餐廳侍應服務非常貼心
每次出入座位 就算只係幾步之遙
都會為客人領路
又會為客人拉凳推凳
服務都令人留下好好嘅印象☺️
今晚有4款Amuse Bouche
每款都超出預期地好味！
.
第一款係貝殼形嘅finger food🐚
佢係蛋糕嘅testure
不過因為加入左西班牙香腸🐷
所以味道帶有鹹香 非常好食
.
第二款係墨魚汁醃漬三文魚
廚師利用墨魚汁
將三文魚包成雲石狀
外形好有心思
三文魚底有一片小葉 味道清新
可以中和醃漬三文魚嘅鹹味
.
第三款係蛋白霜蒜蓉撻
薄薄帶有微脆嘅撻底 包住蒜蓉
面頭擠上細膩嘅蛋白霜
有種食緊雲朵嘅感覺☁️
.
最後一款係凍肉撻
透明嘅肉凍包住肉絲
口感幾彈牙 有種食緊淆肉嘅感覺
係中西合璧嘅感覺🙈😛
.
Petrus嘅dinner menu可以自由選擇3-5道菜
今晚我地就揀左4道菜😛
.
第一道cold starter係Kristal Caviar
哩道菜分爲兩個部分
第一部分嘅nibble係炸魚子醬薯球
味道不過不失 唔算出色
.
哩道菜嘅主體分為3層
分別係沙律、薯仔、魚子醬🐟
.
菜色擺盤精緻
魚子醬份量唔少
但調味過酸 酸味掩蓋左食材嘅味道
連鍾意食酸嘢嘅我 都覺得非常一般
.
哩道菜需要額外加💰288
似乎性價比唔太高🥲
係全晚最失望嘅菜色🥺
.
雖然哩道菜表現失準
但有其他菜色為Petrus挽回分數
所以都值得一個5分🌟
第二道cold starter係George Buck Foie Gras🦆
哩道菜繼續分爲兩個部分
第一部分嘅nibble運用左鳥巢設計🐦
雞蛋被挖空 成爲容器 放置係乾草堆上 恰似真正嘅鳥巢
擺盤同食材非常配合 睇得出當中嘅心思💖
.
蛋殼内嘅係泡沫鴨肝
最底層填滿布丁狀嘅鴨肝醬 配上綿密嘅泡沫
口感細膩 味道甘香👅
單係nibble已經令人非常驚喜
.
欣賞完前奏 終於黎到前菜嘅主體 鴨肝凍批
鴨肝順滑甘香 入面混入豬蹄肉絲 提升左整道菜嘅口感
凍批上放置左兩粒焦糖核桃
焦糖嘅甜味引出左鴨肝嘅馥郁香味
.
食到哩到 相信都覺得有少少膩
混合旁邊酸甜嘅果醬食用 又係另一種風味🍐
Hot starter方面 我地揀左Petrus嘅招牌紅蝦🦐
紅蝦長過我手板 分量驚人
味道方面 蝦肉非常鮮甜 肉質彈牙
旁邊嘅蝦醬帶有鹹香 更加帶出蝦肉嘅鮮甜💖
食完蝦肉 仲可以倒出蝦頭入面嘅蝦膏
將烤得香脆嘅厚切麵包 蘸上蝦膏
帶出左一種獨特嘅鮮味🍞
餐廳招牌菜哩個名號 完全當之無愧
哩道菜我地配左一杯wine pairing
侍酒師為我地帶黎一枝西班牙氣泡酒🍾️
2011 Cava Kripta Gran Reserva Brut Nature
酒瓶嘅底部係圓形 酒標嘅設計亦非常精緻特別
酒色澤金黃 氣泡多而持久🥂
一倒出已經聞到馥郁嘅芳香
味道方面 哩枝酒比較dry 酸度比較重
同紅蝦係個好好嘅配搭
第一個主菜 我地揀左Bresse Pigeon🕊
鴿肉外皮煎得好香 有少少鹽調味
食落有啲似超級鮮嫩嘅紅燒乳鴿😂
.
碟邊有一大塊無花果包住嘅肝臟
無花果嘅酸甜味道中和左肝臟嘅膩感
帶黎非常好嘅平衡 well done👍
第二份主菜 我地揀左Brandt Beef Calotte🐮
大廚將牛骨髓造成蠟燭嘅形狀
一路燒 牛骨髓就一路溶化
最後可以混合埋底部嘅蒜蓉脆脆
同牛扒一齊食用
哩個擺盤非常有趣 仲好有情調🕯️
.
主菜嘅牛扒都幾嫩滑
不過牛味唔算重 算係不過不失啦
.
牛扒頂部仲有一大塊義大利雲吞
雲吞入面包裹住牛肝菌 菌味濃郁
鍾意食菇嘅我非常鍾意
不過雲吞皮實在太厚 口感過硬
有少少失望😞
牛扒配左一杯wine pairing
侍酒師為我地帶黎嘅係
2017 Chateau Seraphine 'l'Innocence de Seraphine'
雖然我唔算太鍾意飲紅酒
不過哩杯酒好fruity 順喉
小酌一杯都唔差㗎🍷
終於黎到甜品嘅介紹
第一份甜品係French Chestnut🌰
哩道甜品嘅造型除左精致 仲好貼合主題
大廚將栗子造型嘅朱古力包裹住蛋白霜/栗子奶油
一咬開脆脆嘅朱古力 入面幼滑嘅内餡就湧流而出🥰
兩種唔同口感 為口腔帶黎唔同嘅體驗
味道方面 栗子同朱古力都係濃味嘅食材🍫
互相配搭 大家嘅味道都唔會被掩蓋
將秋季食材 味道濃郁嘅特點發揮到恰到好處 🍂
係今年食過最出色嘅甜品
我地加錢揀左Australian Truffle做另一道甜品🍮
侍應會即席將原粒黑松露刨落餐碟🍽
都算係個小小嘅表演
.
黑松露片嘅分量好多 底部仲有傳統嘅法式甜品Baba 同埋 榛子🌰
Baba被rum浸到濕潤 甜美而且帶有酒香🥃
不過因爲甜味同酒味過於強烈 掩蓋左黑松露嘅味道
令整道甜品嘅重心 偏離左原意
雖然好味 但令一心期待黑松露甜品嘅我稍微有啲失望
Post
