農米莊 (豉油街)

Open Now

Now Closed

之前搵緊MK有乜食既時候發現左呢間標榜「一碗可以連湯都飲埋既米線」，今日專程嚟試係味真係咁正正值午飯時間，人未算多但要搭檯。坐位唔算闊，肥少少都未必坐得落。叫左椰子雞米線，嚟到比想像中細碗，男士食既話建議加小食，如果唔係應該好快餓講返個米線，除左雞，仲有腐竹，冬菇，菜同埋蔥，個湯飲落去唔算濃，但真係無味精既清雞湯。椰子味唔算重，只有一到點味道，我懷疑那一丁點椰子味係面頭果一茶匙椰絲黎.....雞就好滑，但分量唔多，亦都無雞味. 但總體而言碗米線係有heart可言，畢竟喺香港地要搵間零味精既實在太難. 收你$43仲有雞食，希望佢真係做到落去啦。