桂月 (Closed)

某日朋友帶左我黎汝州街附近既一間西餐廳,入面環境氛暗,氣氛主打懷舊同浪漫情調為主,非常適合情侶拍拖傾計,座位檯面上面點左蠟燭,呢度既裝飾佈滿左懷舊黑膠唱片而且餐廳都播放緊一D懷舊年代既英文歌曲,我地叫左一份慢煮牛臉肉墨西哥夾餅,外脆裡面包住牛臉肉好淋,擺盤都幾靚,之後我地再叫左個卡邦尼意粉,忌廉味都幾濃郁,兩杯飲品叫左一杯WHAT A PEACH入面係提子味MOCKTAIL加上珍寶珠糖作伴,另一杯係青蘋果爆爆珠底既MOCKTAIL用左蝴蝶形食用餅作杯面陪襯。