Andy's Garage (Closed)

大坑多好既餐廳都個個都知架啦，但原來想食好味又正宗既墨西哥菜都可以係呢度搵到！多謝晒朋友既介紹！墨西哥雞翼，以為會辣到跳舞，食落又唔會喎！味道同Buffalo wings好似，炸過之後再有綿密既醬包住成隻雞翼，咬落執口感豐富之外仲好多汁，口味唔算太重，食兩三隻都唔會膩。墨西哥芝士脆片！人生中最愛菜式既頭十位！芝士脆片同出面既餐廳唔同，並唔係用食開個重零食芝士脆片蒙混過關，而係用上真正既墨西哥脆片，加上大量熱融芝士、忌廉、牛油果醬同番茄粒，味道豐富，芝士同脆片既份量岩岩好，令人忍唔住食完一塊又一塊！炸薯角，唔好見佢咁普通，其實好推薦佢既炸薯角？即叫即炸之餘，仲要炸得火喉岩岩好，咬落口先可以做到新鮮、香脆大size既莎樂美腸芝士pizza,同樣地又係芝士滿滿，餅底脆身，加上大量番茄醬鋪面，咬到口感極正，味道一流最後就係重頭戲，tacos! 脆片包住莎莎醬、雞肉、酸忌廉、番茄醬等等，一咬落口就知佢份量唔野少，加上芝士滿滿，食落口感好正！一個人獨食左兩舊，真係好難得有咁好味既墨西哥菜呀！😍❤️