豚王 (Closed)

突然間好想食拉麵，又去左「豚王」啦。仲記得餐廳岩岩黎香港開店，日日麵排長龍，而家真係明顯少左好多！呢間餐廳麵款選擇不多，有「豚王$85」、「黑王$95」、「翠王$95」、「赤王$95」，仲有日日都限定既「限定王$？？」！今次我點選左「黑王$95」，要介紹返個湯底係用墨魚汁烹調而成，另外可以依照個人口味選擇唔同嘅湯底、配菜、唐辛醬、麵既軟硬程度。如果覺得唔夠配菜可以另外再加！(溏心日本蛋、腩肉/肩肉、叉燒、椰菜、黑木耳、麵底等等...)「黑王」味道好香好重醬油味，拉麵嘅份量都適中，拉麵質地唔會太軟同太硬，湯底亦唔會太鹹，而且湯底好濃！值得一試！