Banabana (Closed)

士多啤梨啤梨蘋果橙什麼A餐B餐不可揀？初頭經過仲以為係賣指甲油既店，點解咁多人排隊嘅？原來係新開嘅飲品店，店內標榜飲品以新鮮生果製成。要點餐首先要取得火箭，控制台上有超過20款不同款式嘅生果任揀，亦即係不同的星球，揀好邊三款心水星球後，將星球按鈕放到火箭上，然後俾錢就可以了。每杯飲品$28可以選擇三款水果，另外有些特別水果要加$3，如果諗唔到點樣配搭，可以跟住呢個top 10黎揀，仲有每日精選。可以看到店員製作果汁的過程，真係慢慢逐個新鮮生果切開，即榨。益力多+提子+蘋果 $28等左大約五分鐘就有得飲喇，所有新鮮水果已經被打成汁液，飲落益力多味比較重，仲飲到淡淡嘅提子及蘋果香，雖然無添加糖分，但係又唔會好酸，入口有真正水果味，好新鮮。每人仲有一張星球標籤，會寫住飲品內的卡路里，同埋營養成分，最多星星圍住嘅小星球，就代表嗰種營養最高。一杯專屬你所想的星球的果汁，得意又有營養。