太平洋酒吧 (將軍澳中心)

Open Now

Now Closed

同朋友喺將軍澳行街，見到呢間呢間非常有特色嘅餐廳，入邊係係復古酒吧風格，好有氣氛！餐廳主要係食西式餐點，一於入去食少少嘢！☀️All day breakfast 照燒汁雞扒，窩夫，炒蛋，薯餅，茄汁豆，食All day breakfast真係一種享受，下晝都可以食到早餐。雞扒好大塊，又滑又有肉汁。雖然每一樣都好簡單，但係夾埋一齊就非常好食！🐓秘製炸雞呢個炸雞啖啖肉，炸得啱啱好，食落去又脆又嫩滑，淡淡都係雞肉嘅滋味。廚師加咗少少秘製調味粉上去，令雞肉嘅味道更加突出。配上沙律醬食又係另一種味道，因為沙律醬酸酸地，食落去感覺更加清新。🍕卡邦尼pizza好多芝士嘅薄餅，芝士同卡邦尼非常夾，將佢變成薄餅，用手拎住一塊塊咁食，真係可以食得好滋味！薄餅材料十足，一啖咬落去，蘑菇，煙肉，卡邦尼醬汁和芝士的味道👅一次過喺口入邊，好味到舔舔脷！