Video
Read full review
2015-07-12
1114 views
Amico解作「朋友」嘅意思，原來喺意大利文嚟，小弟連英文都麻麻，就梗喺唔識意大利文啦，依個就喺店員對餐廳嘅介紹。因為老婆上堂，是晚無飯開，所以，再次約表姨甥女嚟食飯，因為上次晌Knockbox Coffee佢覺得喺好介紹，所以，又搵我介紹啲好餐廳佢試。從朋友嘅食評見到Amico 1890嘅環境幾特別，木牆拼白磚牆，加上大量「古董」，如舊式打字機，又掛有唔少古早掛牌，一派懷舊復古風，最緊要感覺唔會太逼嘛。此外，廚房設晌餐廳尾，採用全開放形式，我哋被安排坐晌附近，時刻都聞到餸菜嘅氣味。其實，可惜喺廚房嘅圍架得幾高，唔喺點睇到大廚們嘅功夫。單睇餐牌面頁，就知佢哋主打喺薄餅、意粉同啤酒，而餐廳嘅食物種類印晌長形餐牌內，一頁過睇晒，包括沙律、主菜、意粉、意大利飯、小食及薄餅；飲品方面，則有特飲、沙冰、梳打、咖啡、朱古力、汽水……等等。定價以旺角依等旺區計，其實唔算貴，好似薄餅，都喺一百蚊左近，意粉拉平均都喺八、九十。雖然講話唔算貴，不過，散點點都唔及套餐抵，所以，我哋一於晚餐落手。晚餐共有7款選擇，價錢視乎所揀嘅主菜而定（$128-$268），包前菜及甜品，但餐湯、餐飲只可以二擇其一，比較少有
從朋友嘅食評見到Amico 1890嘅環境幾特別，木牆拼白磚牆，加上大量「古董」，如舊式打字機，又掛有唔少古早掛牌，一派懷舊復古風，最緊要感覺唔會太逼嘛。
此外，廚房設晌餐廳尾，採用全開放形式，我哋被安排坐晌附近，時刻都聞到餸菜嘅氣味。其實，可惜喺廚房嘅圍架得幾高，唔喺點睇到大廚們嘅功夫。
單睇餐牌面頁，就知佢哋主打喺薄餅、意粉同啤酒，而餐廳嘅食物種類印晌長形餐牌內，一頁過睇晒，包括沙律、主菜、意粉、意大利飯、小食及薄餅；飲品方面，則有特飲、沙冰、梳打、咖啡、朱古力、汽水……等等。定價以旺角依等旺區計，其實唔算貴，好似薄餅，都喺一百蚊左近，意粉拉平均都喺八、九十。
雖然講話唔算貴，不過，散點點都唔及套餐抵，所以，我哋一於晚餐落手。晚餐共有7款選擇，價錢視乎所揀嘅主菜而定（$128-$268），包前菜及甜品，但餐湯、餐飲只可以二擇其一，比較少有嘅配搭組合。我哋揀咗個中價嘅豬鞍扒同意大利飯，而我哋都算喺小小咖啡迷，所以，最後唔要湯，揀咗餐飲。
意大利巴馬火腿沙律沙律底有沙律菜同車厘茄，淋上油醋汁，個人覺得普通咗少少，再配一片巴馬火腿，鹹香，油潤度一般，感覺比較乾。
意大利巴馬火腿沙律
36 views
0 likes
0 comments
個意大利飯做得幾好，南瓜汁底幾濃郁，飯粒本身煙煙韌韌，又混入咗翠玉瓜、洋蔥、南瓜粒；而飯面有一大片捲成花形嘅煙三文魚及一粒帶子，前者冰涼，跟熱辣辣嘅意大利飯唔喺好襯，反而後者煎過，所以，唔知點解叫「刺身」帶子，但又卻喺幾好食，鮮甜彈牙。
南瓜刺身帶子意大利飯配煙三文魚
44 views
0 likes
0 comments
加拿大豬鞍扒 $188（套餐價）豬鞍扒嘅份量唔算好多，只得一件，但都幾厚身，而且，煎得香，色澤金黃，配上大量炸薯條及少少沙律菜。豬肉就一定要全熟，但切落感覺都算軟腍，當然唔喺牛扒五乘熟嗰種腍滑，卻唔會有粗嚡感，再者，豬肉味的確稍稍勝一籌。
加拿大豬鞍扒
33 views
0 likes
0 comments
甜品是日嘅甜品只喺一球朱古力雪糕，雪糕內有碎朱古力粒，感覺似喺Dreyer’s嘅品牌，若然唧少少朱古力漿，會唔會仲好睇啲呢？
朱古力雪糕
22 views
0 likes
0 comments
餐飲只包一般啡茶，表姨甥女見個特飲「浮台」頗特別，所以點嚟試試，以濃縮咖啡、牛奶、焦糖組成，再加上乳酪雪糕做成小「浮台」，浮台之上喺兩粒咖啡豆。表姨甥女話造型未夠突出，而咖啡中嘅焦糖味重啲仲有個性。
浮台
$38
24 views
0 likes
0 comments
小弟就較喜歡飲慣常嘅鮮奶咖啡，但我哋都唔喺好明，相對杯「浮台」，點解個鮮奶咖啡只需另加$12就可以。不過，杯鮮奶咖啡真喺唔得，咖啡還咖啡，奶泡還奶泡，似意大利泡沫咖啡多啲。
鮮奶咖啡
$38
33 views
0 likes
0 comments
Post
