SONIA COFFEE (Closed)

復活節假期第一日，去咗中環間Sonia coffee度試吓。原來佢隱藏於石板街轉入一條橫巷嘅大廈地下。餐廳位置同環境同我想像中有d出入。冇我想像中咁cozy，仲要撞啱樓上裝修，有好大聲嘅鑽牆聲😖本身對佢嘅食物冇乜期望，兩個人點左一份「豐盛全日早餐」，追加「焦糖布甸」同埋一杯「海鹽焦糖咖啡」。無論食物同咖啡質素都比我預期好。份早餐真係好豐盛，味道都算中上，而杯咖啡就最出色，好香，甜中有少少鹹，又有少少苦，飲落好有層次感😋但個布甸就太甜。總括而言，去開果頭可以一試。