Video
Read full review
2017-08-27
294 views
擁有自己嘅家之後，近年的確少咗出街打邊爐，但我嘅蝸居容不下十個人嘅火鍋局，所以朋友們都係決定找家有特色嘅火鍋店怒食一番，乾手淨腳。今次由識飲識食嘅好友發板，去咗好近尖沙咀地鐵站嘅老鍋台式火鍋。餐廳位於商廈內，雖然沒有華麗嘅大堂，但走進餐廳內卻充滿咗中式古典氣息，大部分嘅餐枱用上了酸枝花梨木嘅屏風間隔，加強咗枱與枱之間嘅私隱度。我們首先點咗幾個小食醫肚，分別係招牌鹵水拼盤（有金錢肚、牛腱丶大腸）丶阿斯瑪茄子、秘製無骨鳳爪。幾個小食都好吃，特別係我一向鐘意嘅鹵水，夠入味，而茄子亦見餐廳嘅心思，加入咗三色椒粒增加色彩，下次嚟真係要試埋清燉牛腩件同鹽酥雞。等齊大部份人，終於入正題打邊爐。餐廳用嘅銅鍋本身都幾有特色，對我來說係老北京涮羊肉鍋嘅款式，唯一注意係小心被那中間嘅煙囪燙到手。人多打邊爐最好就係可以試到好多嘢食，連四個特色鍋底都比我哋一次過以鴛鴦鍋形式試哂。Yeah! 對我來說，台式火鍋個麻辣鍋底一定要得！這裡嘅不單夠香、夠麻、味道亦夠複雜，最impress我係加入咗原粒嘅龍眼肉，湯底裡嘅鴨血同凍豆腐吸收咗湯的精華更是不在話下，一眾好辣嘅都爭相揀坐近麻辣鍋嘅靚位。另一推介鍋底係美人鍋，雖然
餐廳位於商廈內，雖然沒有華麗嘅大堂，但走進餐廳內卻充滿咗中式古典氣息，大部分嘅餐枱用上了酸枝花梨木嘅屏風間隔，加強咗枱與枱之間嘅私隱度。
招牌鹵味拼盤
18 views
0 likes
0 comments
阿斯瑪茄子
19 views
0 likes
0 comments
我們首先點咗幾個小食醫肚，分別係招牌鹵水拼盤（有金錢肚、牛腱丶大腸）丶阿斯瑪茄子、秘製無骨鳳爪。幾個小食都好吃，特別係我一向鐘意嘅鹵水，夠入味，而茄子亦見餐廳嘅心思，加入咗三色椒粒增加色彩，下次嚟真係要試埋清燉牛腩件同鹽酥雞。
等齊大部份人，終於入正題打邊爐。餐廳用嘅銅鍋本身都幾有特色，對我來說係老北京涮羊肉鍋嘅款式，唯一注意係小心被那中間嘅煙囪燙到手。
人多打邊爐最好就係可以試到好多嘢食，連四個特色鍋底都比我哋一次過以鴛鴦鍋形式試哂。Yeah!
對我來說，台式火鍋個麻辣鍋底一定要得！這裡嘅不單夠香、夠麻、味道亦夠複雜，最impress我係加入咗原粒嘅龍眼肉，湯底裡嘅鴨血同凍豆腐吸收咗湯的精華更是不在話下，一眾好辣嘅都爭相揀坐近麻辣鍋嘅靚位。
另一推介鍋底係美人鍋，雖然藥膳鍋底喺坊間不算什麼新品種，但這裡嘅很落本咁用上烏雞去熬，又加入了女仕們最愛嘅杞子、南棗等材料，鮮味又滋補。
美國特級牛肋肉
21 views
0 likes
0 comments
食物方面，幾個牛魔王試勻店員推介嘅幾款牛，全部都食得出、看得出係靚貨。最正係牛肋肉，這個部位肥美，肉味鮮甜。而牛小排則雪花分佈平均，肉身較嫩軟，而牛肩胛則肉味較重，愈嚼愈甘香。不得不提嘅係除了牛肉以外，有其他地方少有嘅鮮鴨胸片。鮮鴨胸片跟牛肉一樣都是一卷一卷的，平日不太好鴨肉的我，也喜歡。
鮮鴨胸片（前）、羊肉片（後）
20 views
0 likes
0 comments
海鮮類我們當然不放過，點咗個象拔蚌刺身，豪一豪佢，加上海中蝦及花蛤，全部都好新鮮。雖然係時價的，但都有個黑板mark好價錢，沒有取巧。
象拔蚌刺身、花蛤
22 views
0 likes
0 comments
海中蝦
18 views
0 likes
0 comments
頂肚啲嘅嘢食，我們都點咗唔少，好幾款特色手打丸、餃類通通都叫一份，費時爭崩頭。梅菜豬肉丸丶芝士牛肉丸丶鵝肝墨魚丸丶黑松露蝦丸都真材實料、很彈牙。餃類都是鮮製，但我食得太多牛，餃類已經食唔到咁多。
梅菜豬肉丸丶芝士牛肉丸丶鵝肝墨魚丸丶黑松露蝦丸、凍豆腐
35 views
0 likes
0 comments
美食當前，唔知大家感唔感受到，我當晚有幾飽，宜家終於講到蔬菜丶凍豆腐丶炸響鈴、老油條丶鴨血嘅雜食。我可以講嘅係，最推介厚切日本山藥同皇帝菜配上美人鍋，而麻辣鍋嘅鴨血係必要追加嘅。老油條同炸響鈴若要二選一，以響鈴為首。
雖然市面開咗唔少特色火鍋店，老鍋以台風、嚴選靚食材吸客，我番兜機會都高嘅。基本上，當晚我無特別去混醬，湯底味道夠濃，食物已掛上鍋底嘅味道。混好嘅醬，我印象中根本無用過，下次再來就不用再胡混了。
Post
