十二味麻辣三兄弟 (Closed)

辣妹約我去試辣野，天氣咁熱，唔想食雞煲和打邊爐，見有新店，乾鍋好像幾新鮮，就試下囉。"Chili Party 3.0" 英文名易記過中文名，喜歡這店的位置，地舖不用等lift ，食辣野最緊要係冷氣夠涼！這間pass有餘，有卡位，女仔最愛坐卡位傾計。店員們都很年輕，有禮貌。讚！前菜 豬耳，木耳欣賞這店兩種耳辣味不同，唔hea喎！有啲店所有辣都差不多味，這店ok, 不錯的前菜，開胃爽口，有口感，但辣味不能低估，飲左大半杯水。香辣鮮蝦鍋(小辣)Size比想像中大鍋，鐘意這樣的乾鍋，無雞煲咁熱咁油，夏天很啱食。這蝦鍋賣相好得，一隻隻既乾椒，未食都興奮，蝦很大隻，殼薄又脆，我選擇連殼食，lok lok 脆。驚喜位，鍋有好多配菜: 蓮藕，年糕，四季豆，薯仔！！配菜超好食，四季豆的清新，蓮藕片的爽甜，薯仔既香口，中和晒成個煲既濃味，值得讚讚個年糕，年糕我一直唔like, 一舊粉又架胃，但今次有dd改觀，廚師煎到年糕乾身，硬硬地才放入鍋中，吸左蝦味，入口有咬口之餘，脆脆地咁！我破例追加！ 蝦鍋整體好食，唔太辣，餐牌上寫有變態辣，變態朋友可以一試。