許留山 (Closed)

今日個天好熱，放咗工經過旺角許留山見到有3款西柚爽嘅產品，即刻俾佢吸引咗。因爲平時都鍾意飲西柚汁，又鍾意食芒果，所以呢款飲品啱啱好滿足到我。佢有三隻味，西柚芒果爽、西柚蘆薈爽同埋西柚雪蛤爽。之前飲開芒椰芒果爽，好鍾意佢d芒果爽，芒果味好濃，但係見到個西柚蘆薈爽我又想試，唔知買邊個好。朋友話佢鍾意西柚芒果爽，甘佢就揀咗芒果，我就唔使諗揀咗西柚蘆薈啦。本身一杯$20，我同朋友一齊買就$32兩杯，好抵呀！因爲好熱，所以飲得好快。同埋好鍾意蘆薈爽入邊嗰舊大jelly,好爽好滑，仲有d蘆薈味。一啜就啜咗一半入口，個感覺真係好過癮。因爲我一開始冇攪開佢，分開飲咗西柚嗰層同蘆薈嗰層，d味道好自然，果然係真材實料。西柚味好濃，蘆薈味淡淡地唔會太甜,朋友提我攪勻嗮佢,兩隻味一齊入口仲好味，又真係喔，西柚嘅少少苦味同蘆薈嘅少少甜味溝埋一起，又苦又甜係我最愛。D蘆薈粒好好味，幾清新。我都試咗個芒果味，d芒果jelly不嬲都甘好味架啦，本身以爲芒果同西柚兩隻味可能唔係好夾，但係原來都幾好幾特別喔，之前從來未試過，不愧係許留山，d芒果無論點整都係甘好味！