廣麪子

Open Now

Now Closed

以前係筲箕灣久唔久都會食廣麪子，估唔到以家係灣仔附近返工都食得返呢種懷舊傳統味道。同朋友叫左個切腩四寶湯河＆切腩四寶撈粗，湯底濃厚但唔喊，魚蛋新鮮彈牙，雲吞有出面食唔到既鮮甜味，黑椒牛丸勁香，朋友唔食辣都話好食。炸魚皮新鮮炸好之後再用紙袋包好上台，打開好有儀式感，炸魚皮好脆，浸一陣熱湯再食聽到炸啦炸啦聲。朋友最鐘意厚條切魚片，厚切彈牙，口感超好。我就最欣賞生菜，新鮮到好似現摘現煮咁，唔洗點蠔油都好味。最後一人一杯雜果賓治，炎夏降溫好物，大滿足！