Video
Read full review
2021-10-06
1045 views
好耐之前食過佢既壽喜燒，今日就嚟到佢嘅居酒屋試一試！👍🏻夏日清涼爽$118呢個價錢包左三款 : 三文魚面、青瓜八魚粒漬、海膽帆立貝漬。好特別既創作，餐廳把三文角切成條狀，好似麵條一樣，食落滑嫩有魚脂感。青瓜、醃蘿蔔、八魚粒既數量好平均，食落清新爽口但略有筋位，最後海膽帆立貝漬，甘甜融合，帆立貝都有三大塊架！👍🏻西京鱈魚燒外表金黃，調味足夠，西京味噌唔會太濃，故無搶去魚既味道，焗過後既鱈魚，油脂豐厚， 食落去好滑，邊位更有入口即溶既口感。👍🏻串燒 / 小食 🤍燒原條茄子有別於居酒屋食既個種，餐廳先把茄子肉起好，加上木魚絲曬上面，食落清甜帶綿綿，一絲絲既口感，可以加上適當既豉油，滋味無比。🤍蟹肉可樂餅十分香口既小食，外表金黃脆身，可樂餅都幾實淨，食落有好綿綿既有薯仔蓉，一絲絲既蟹肉食落好咸香。🤍芝麻雞翼超級熱辣辣上枱，皮脆肉嫩，芝麻香好夠，怕熱氣嘅，可以點上少少檸檬汁！🤍燒菠蘿超級超級超級推介，疫情前係會喺顧客面前燒架！呢個火炙得恰到好處，菠蘿非常清甜，面頭噴上一層焦糖，好滋味！🤍丸子拼盤一大盤好啱多個朋友分享，裡面有兩串紫蘇葉雞丸，一份芝士雞丸，一兜雞軟骨丸。超好咬口，芝士丸裏面包含咗蔥
好耐之前食過佢既壽喜燒，今日就嚟到佢嘅居酒屋試一試！
👍🏻夏日清涼爽
$118呢個價錢包左三款 : 三文魚面、青瓜八魚粒漬、海膽帆立貝漬。好特別既創作，餐廳把三文角切成條狀，好似麵條一樣，食落滑嫩有魚脂感。青瓜、醃蘿蔔、八魚粒既數量好平均，食落清新爽口但略有筋位，最後海膽帆立貝漬，甘甜融合，帆立貝都有三大塊架！
👍🏻西京鱈魚燒
外表金黃，調味足夠，西京味噌唔會太濃，故無搶去魚既味道，焗過後既鱈魚，油脂豐厚， 食落去好滑，邊位更有入口即溶既口感。
👍🏻串燒 / 小食
🤍燒原條茄子
有別於居酒屋食既個種，餐廳先把茄子肉起好，加上木魚絲曬上面，食落清甜帶綿綿，一絲絲既口感，可以加上適當既豉油，滋味無比。
🤍蟹肉可樂餅
十分香口既小食，外表金黃脆身，可樂餅都幾實淨，食落有好綿綿既有薯仔蓉，一絲絲既蟹肉食落好咸香。
🤍芝麻雞翼
超級熱辣辣上枱，皮脆肉嫩，芝麻香好夠，怕熱氣嘅，可以點上少少檸檬汁！
🤍燒菠蘿
超級超級超級推介，疫情前係會喺顧客面前燒架！呢個火炙得恰到好處，菠蘿非常清甜，面頭噴上一層焦糖，好滋味！
🤍丸子拼盤
一大盤好啱多個朋友分享，裡面有兩串紫蘇葉雞丸，一份芝士雞丸，一兜雞軟骨丸。超好咬口，芝士丸裏面包含咗蔥花粒，食落又帶點清新感！
🤍日本A5和牛 (200g)
上台和牛紋理分明，雪花平均，有職員主動幫忙燒烤，熟能生巧既烹煮亦為菜式加添分數，食落油滋滋，好淋有好牛既香盛。200g 份量可以二人分享，配上加$25的蟹膏飯更是吸引，一大碗飯，有一大更蟹膏之餘仲有好多飯素。
🤍檸檬威士忌
打卡一流，一片片檸檬黐實晒，飲落非常解渴，酒嘅味道都唔會好濃，一路配住串燒食真係好 chill
🤍蜜桃乳酸梳打
一樣非常大杯，飲落酸酸甜甜好開胃(叫咗少甜）
💡搜羅左餐廳既信用卡優惠俾大家
1️⃣大新信用卡優惠 ------> 正價Menu 85折
2️⃣匯豐信用卡優惠 -------> 指定套餐 8折
Post
