椰子星球 (Closed)

椰子甜品一向好受歡迎，呢度有一系列椰子特色甜品，岩晒開始熱嘅天氣。嗅嗅D24榴槤椰子奶凍如果你鍾意食榴槤，真係唔好錯過。真材實料D24榴槤，打開個蓋已經聞到佢陣味。綿密既榴槤肉，加嫩滑奶凍，重口味又透心涼。芒芒 UFO以椰子水製成的果凍底部，上面有嚼勁豐富既小丸子同新鮮香甜既芒果果粒。食之前加入試管椰汁，非常吸引既夏日甜品。米麻糬 Oreo 椰子奶集合米麻糬、Oreo、珍珠和椰子奶，口感豐富到一個點。千祈唔好當係飲品，佢係一款非常飽肚既甜品。鰻魚玉子燒驚喜度滿分，你以為依度食椰子同榴槤甜品，原來玉子燒都咁高質。玉子既有烤香，口感又滑嫩。鰻魚配紫菜，中間蛋黃醬，味道富層次感。