大灰熊廚房 (Under Renovation)

成日都要外賣自取，到底要幾時先可以出去食😢😢😢今晚係將軍澳買左呢間大灰熊廚房外賣，平時好似係做私房菜，但呢排就有埋單點小菜外賣咁，二人餐$188，就包括：兩個小菜、湯、白飯、飲品。.最緊要係佢野食真係好高質又好味，我諗我下次會叫多啲叫埋屋企人一齊食。.叫左個「咕嚕蝦球」，蝦碌熟得黎保留爽口彈牙質感，好有新鮮蝦既爽脆同口感，個汁酸酸甜甜好開胃。真心唔錯，呢啲菜係少啲功夫都做唔到。「小炒皇」都正呀，夠晒鑊氣又多料，韭菜花炒個時間岩岩好，惹味岩餸飯。.跟餐有2個例湯，蕃茄肉片湯同免治牛肉豆腐湯，無味精又有料，呢個價錢黎講真係算係咁啦。將南好多餐廳係西餐，想食中餐既呢間CP算高。下次再叫外賣可以直接用網上外賣平台✅見到佢最近新加入左，咁之後就可以坐係屋企等食了