陳家菜 @Freshlane (樂基商業中心) (Closed)

陳家菜呢期在家抗疫，都好少出街食飯，放工嗱嗱聲買外賣算。朋友介紹上環呢間小菜都幾唔錯，見近近地可以買外賣返屋企食。上到去嗰度有10幾間餐廳做外賣，今次呢間係中式住家菜。點左秘製啫啫雞同豉椒爆炒肥腸， 等緊嘅時候已經聞到好香，勁有鑊氣咁。兩款餸都冇點辣，因為有小朋友一齊食。雞肉食落唔似冰鮮雞，有木耳、紫洋蔥同燈籠椒炒，秘製醬汁甜甜哋，小朋友勁鍾意。肥腸都處理得好乾淨，豉椒汁好惹味，加埋豆豉同甜椒，非常下飯👍🏼簡簡單單又一餐。