新明發食家 (川龍街) (Closed)

有時想食蒸飯, 都會去呢間新明發買, 貪佢外賣平DD, 另外仲有點心, 幾夜想食都唔係問題.照舊要左"鳳爪排骨飯", 排骨有好多舊, 唔會太肥或者得舊骨. 鳳爪有兩隻, 正常. 飯我鍾意食硬少少, 所以呢度啱晒我口味, 而且可以叫亞姐比多D豉油.因為得兩隻鳳爪唔夠喉, 所以另外要多碟, 都幾多隻, 味道正常.另外要多個"鵪鶉蛋燒賣", 鵪鶉蛋算大粒, 燒賣部份都幾多肉, 肉唔會太鞋.堂食仲有茶飲, 所以會收貴D. 平時外賣見好多伯伯堂食, 而且仲有麵類, 所以係平價之選.