新景園咖喱小廚

Open Now

Now Closed

新景園嘅咖哩豬扒飯好出名係一件事，但係點樣可以食到佢又係另一件事，因為實在太多人排隊喇，特別係依家連遊客都會識搵到呢度。所以午餐食新景園，買外賣飯盒係一個好選擇，價錢仲要平過堂食差唔多一半添。今次買咗咖哩豬扒同咖哩牛肉飯，佢嘅咖哩香料味比較濃又有少少辣，豬扒炸得好香，配埋啲飯三扒兩撥就食曬。至於啲牛肉就好大塊份量亦好多，肉質唔算軟淋但未至於咬唔開啦😅！等飯盒嗰陣原來有好多人一早打電話訂飯盒講定幾點攞，計落隨時仲多個排隊嘅人。另外都幾多人叫蕃茄豬扒飯喎，下次都要試下先。