寿司大 (Closed)

朋友住樂富，推介呢間話好抵食，外賣有七折或者係九點後堂食七折！我哋揀咗外賣，先講價錢，咁多嘢食兩個人食到超飽每人都係百頭，又真係好抵！同埋佢啲嘢食質素真係好高，炸雞軟骨不得了，卜卜脆，食到停唔到口！洋蔥牛舌非常惹味，紫薯餅同樣係我朋友嘅大愛，無諗過食壽司，熟食都咁出色！除咗傳統壽司，佢啲特色壽司都好吸引，好似果隻三文魚船勁多三文魚，而傳統壽司都好高質，刺身亦都好新鮮，所以呢間野長期都好多人， 如果去食就預咗要等位嘞！