Bâtard (Closed)

虎年暫時都冇得外出晚膳，食得住家菜多真係要轉吓口味，唯有週末買多啲外賣調劑味蕾。於人氣打卡網發現一向難訂位嘅「Bâtard」近期搞埋外賣，主打幾款招牌菜，夠哂簡單，故肥肥家族決定一試。哥哥預早一星期前以電話落單，並約好週六傍晚六時自取，流程十分簡易。XO仔準時到步，食物早已備好，兩個紙袋載住五個紙盒，整齊衛生，輕便又穩陣。四人所訂嘅招牌二人套餐「Menu “Signature”」（$1,700）包有兩客昆布魚籽醬天使麵、原隻Bâtard招牌燒雞連飯、及半打馬德蓮貝殼蛋糕仔。Cold Angel Hair, Kristal Caviar, Kombu：打開盒蓋即傳來陣陣清幽嘅芳香，凍食嘅天使麵條修長纖幼，柔韌軟潤，輕輕以昆布碎點綴已能帶出魚籽醬嘅鮮味，意粉菜式香濃而不俗，極為清新！Bâtard’s Signature Roast Chicken, Warm Pilaf Rice：原隻包嘅招牌雞未經斬件，以確保鎖住嘅雞汁唔會流失。中等身材嘅本地靚雞肥膏不多，雞皮巧脆唔油膩，雞肉軟嫩白滑，返到屋企都仲好夠熱，堅掂！反而另上嘅Pilaf Rice就唔及喺餐廳堂食咁潤，飯粒味道就夠，只係偏硬同乾