洪祖師 (Closed)

之前試過食左一次牛肉麵，今日想食下台灣野，所以黎試多次。上次堂食，今次就外賣回家。佢有一個晚市套餐，可以叫粉/麵/飯一款再加多一個小食+飲品。上次食完牛肉麵，今次就食魯肉飯。魯肉都鋪滿飯的上面，但我個人鍾意多汁，所以我覺得可以多番少少汁，不過味道都正常，唔係好好味的感覺，但可以接受。小食我當然叫左雞翼啦，如果單點我就未必會叫，但套餐包埋的話都可以接受（如果多一隻我會更開心）利申：肥仔一名。味道唔夠入味，更入味會好食d。東瓜茶就淡口少少，我鍾意飲好甜架，所以我感覺一般。值錢都算公道，間中食下都可以接受。