金鶴拉麵 (和富道) (Closed)

今日好忙，好多嘢做，搞完曬都已經過咗食飯時間，有人建議去附近買點吃的，外帶回家慢慢嘆。記得之前經過「金鶴拉麵」，見到門口黑板寫住「全日外賣自取，滿 $100 7折」，一於過去八下。到埗後，表明來意話嚟買外賣，店員即刻招呼我坐低，並遞上餐牌及熱茶讓我慢慢揀，服務態度可嘉。無嚟一排，原來除咗拉麵、串燒、小食等之外，餐廳仲有丼物供應，反正連午飯都未食，就買多幾款返去試下。點咗三個日式丼飯同兩客串燒，7 折咗真係非常抵食。玉子燒豚肉丼 ($58)  賣相唔錯，飯面除咗鋪滿了豚肉片和洋蔥外，仲有車厘茄、西蘭花同半隻溏心蛋。豚肉燒得啱啱好，肉質嫩滑，一啲都唔乾，夠晒多汁，連埋啲洋蔥一齊食，味道好夾。另外個照燒雞排丼 ($58) 同 鹽燒鯖魚丼 ($68)  味道亦唔錯，雞扒煎至金黃香口，入口嫩滑又多汁，加上面頭灑咗粒粒芝麻，配搭香甜的照燒汁，吃起來份外惹味。鹽燒鯖魚水準亦不俗，雖然拎到返屋企先至食，但外皮咬下仍然帶點焦香，魚肉緊致富彈性，鹹度亦剛好，加上大大條起晒骨，入口啖啖肉，非常滋味。伴吃的溏心蛋，半熟流心，咬落滑不溜口，送飯一流！串燒點咗豬頸肉厚切串 ($28) 同 蒲燒活鰻魚串 ($68)