人和月雞煲火鍋店 (Closed)

點樣食推介✨⭐️抵食雞煲外賣⭐️⭐️尖沙咀雞煲⭐️人和月雞煲火鍋店 地址：尖沙咀海防道38-40號中達大廈3樓🍖人和月雞煲二人套餐 $373 (7.3/10)大家有冇諗過雞煲都有得外賣😆，人和月依個套餐真心好抵又足料，人均百幾蚊就可以屋企黎返個雞煲懶人火鍋，仲有四人餐揀，朋友同埋家庭聚會都啱食🙆🏻‍♀️二人餐包左兩款肉、兩款丸、兩款冷凍類、兩款菜、兩杯野飲同埋一款粉麵，講真個份量係夠三個人食🤣，店員全部野都包得好密實，完全冇瀉，連d芫荽蔥啊蒜啊豉油都pack得勁靚仔，最估唔到嘅係會有兩個小火爐，咁就唔洗開電磁爐都打到邊爐🤟🏻至於個二人份雞煲係差唔多有半隻雞嘅份量，雞件入曬味，個雞煲汁夠曬麻同辣，食落好惹味，覺得鹹仲可以落店家準備嘅上湯落去溝一溝，覺得淡又可以落返d雞煲汁落去，肉類方便我就嗌左牛板腱同埋牛胸爽，兩款都新鮮重牛味，特別牛板腱肉汁夠曬嫩滑，佢地嘅牛丸同貢丸都夠曬爽口多汁彈牙，特別推介佢地嘅火鍋川粉，索曬d雞煲汁食真係超正🤣，配埋蜂蜜菊花露同埋桂花烏龍一齊飲夠曬解辣❤️回頭指數: 🍧🍧🍧 (滿分:🍧🍧🍧🍧🍧)