La Postre (厚福街) (Closed)

打卡同相機食先已經成係新一代嘅大TREND，如果個dish賣相唔靚，真係好剎風景ga！呢間位於尖沙嘴厚福街嘅西班牙餐廳，裝修別緻，入去有種好似好似去咗外國嘅感覺，非常舒服。因為唔算太肚餓，只係外賣叫咗少少野食。Scallops and Fig Salad $98以starter嚟講，呢份salad真係大到離晒大嫂，足3個人食有餘；材料足料冇呃秤，6粒（切片）帶子（好似6粒，唔知有冇數漏咗🙂），仲有6大嚿無花果同勁多沙律菜，加埋黑醋一齊食，口感豐富，食完有種煥然一新好Fresh嘅Feel！（聽講無花果好有營養，特別係經常便秘嘅你哋，記得食多幾粒！）好大粒帶子，啖啖肉，有鮮味超好食！另外叫咗個意粉，但賣相一般，忘記拍照。Smoked Chicken Spaghetti with Pesto Sauce $108用青醬煮成嘅煙雞胸意粉，內有三色椒同紫椰菜，味道唔差但略嫌有啲油，唔知係咪太多「味精」，好似越食越頸渴🤨，有改善空間，下次都想試吓其他食物。