Video
Read full review
2023-03-09
87 views
今日提早放工，5:00就收工! 當然要慶祝一下!見到有鮮芋仙，當然買返個外賣返屋企歎下！鮮芋仙實在太多選擇，好多配搭，又好多組合！心多多俾我，分析個餐牌都要10分鐘！又想食芋頭，又想食紅豆！所以順理成章揀咗熱既芋圓4號！熱食係紅豆湯，凍食係刨冰，因為我係外賣，唔係堂食，所以揀咗熱食！另外加左$4要冬瓜凍！等咗5分鐘，門口顯示牌就提示我有得拎！有一個唔方便嘅位，就係外賣要自己行入去拎！如果佢可以放埋喺門口，咁就更方便客人！值得一提嘅係，外賣唔使加錢，而且冬瓜凍幫我分開另一個兜裝！加分位！返到屋企都隔咗半個鐘，糖水仲係熱辣辣！紅酒湯唔算太甜，有好多粒芋圓，珍珠，紅豆，同埋有一大舊蜜芋頭！最愛芋頭，芋頭甜甜地，黏黏地，自己做真係做唔到！芋圓實在太多，食到一半都仲有10幾粒！正！食完成碗，飽到連晚餐都唔使食！真係抵食，夾大件！😂
見到有鮮芋仙，當然買返個外賣返屋企歎下！
鮮芋仙實在太多選擇，好多配搭，又好多組合！心多多俾我，分析個餐牌都要10分鐘！又想食芋頭，又想食紅豆！所以順理成章揀咗熱既芋圓4號！
熱食係紅豆湯，凍食係刨冰，因為我係外賣，唔係堂食，所以揀咗熱食！另外加左$4要冬瓜凍！
等咗5分鐘，門口顯示牌就提示我有得拎！
有一個唔方便嘅位，就係外賣要自己行入去拎！
如果佢可以放埋喺門口，咁就更方便客人！
值得一提嘅係，外賣唔使加錢，而且冬瓜凍幫我分開另一個兜裝！加分位！
返到屋企都隔咗半個鐘，糖水仲係熱辣辣！
紅酒湯唔算太甜，有好多粒芋圓，珍珠，紅豆，同埋有一大舊蜜芋頭！最愛芋頭，芋頭甜甜地，黏黏地，自己做真係做唔到！
芋圓實在太多，食到一半都仲有10幾粒！正！
食完成碗，飽到連晚餐都唔使食！真係抵食，夾大件！😂
Post
