吉野家 (Closed)

一向愛錫小肥o既會計小姐午後一聽見細佬唉肚餓，轉個身就落咗街，喺「吉野家」度買咗個下午茶餐返上公司 。二人同屬牛魔王，見午餐大家都係食飯，所以佢就叫咗個「和風牛肉麵」兩份分，$26.5真係抵食過午市多多聲 。和風牛肉麵同平時中午飯盒一樣，餸菜都分格擺放。當日o既和風牛肉水準同平時無異，快餐店黎講絕對可以接受。反而底層o既公仔麵五分鐘不到已經索哂湯，變得又腍又脹 。既然「吉野家」可以諗到牛肉分格放，其實亦可以考慮分多格載湯，又或者將兩格大小調整，麵同餸放喺大啲o既上格內，而湯就放喺細咗o既下格內，以確保客人食用外賣時都能夠欣賞食物最佳o既狀態。