忠記咖啡屋‧私房菜 (Closed)

本身耐無食小菜，疫情關係諗住叫個foodpanda 外賣，見到呢間野下晝開始提供小菜，就抱住好奇心試下。點知中大伏。叫左三樣野，椒鹽鮮魷，薑蔥霸王雞，金銀蛋浸時蔬。先講椒鹽鮮魷。咬落好似食鞋底咁，根本咬唔開，魷魚本身唔新鮮，調味偏淡反而暴露左缺點。炸得唔脆都算，重好重油味，食到反胃。唯一優點係份量夠多。第一次食到咁難食嘅椒鹽鮮魷，都叫大開眼界，比一星都嫌多。薑蔥霸王雞。食落唔知關薑蔥乜事。雞身上面舖左大量蔥，但食落就係硬身白切雞。唔叫難食，不過都唔係好食。金銀蛋時蔬。好難可以難食，佢都的確整得好好睇睇，料足，味道正常。不過白菜中間夾左兩條頭髮，少少想嘔。影左相，但已經食到無心機整得好好睇睇。呢個價求其食間茶記都贏佢幾條街，重唔洗比呢個價。無乜野都唔洗試，有人約都唔好試。真係好耐無食野失望到打差評，你係第一間。