願榮光咖啡館 (Closed)

😍睇到ig話有外賣，喺附近翻工嘅我就急不及待過嚟買Lunch，發現個外賣盒好精緻！唔係街邊嗰啲求其外賣，一個紙盒加蓋就算，盒上面仲印咗金色「願榮光」三隻字💛✨今次就嗌咗唐揚雞粒配粉紅色御結，份量嚟講我覺得係剛剛好嘅，食完主食仲有甜品😋嗰粒櫻花福餅賣相好靚🌸咸咸甜甜都幾滿足。不過如果有一個靚仔啲啲外賣茶杯就好啦⋯用碗仔飲茶唔係太方便，容易倒瀉😣因為平時都好少聽有手沖咖啡可以外賣，lunchtime趕住翻office又好想飲⋯咁正當諗住買完嘢食俾錢之際，咖啡師話佢哋有做外賣手沖咖啡，所以就買咗杯手沖外賣🤪手沖嗌咗ETH豆（有少少清新花香同茶味，中段飲到香甜嘅桃味😍），咖啡師都建議盡快翻到Office 飲，因為咖啡嘅溫差會令到咖啡嘅風味都會唔同，但最特別嘅係佢哋會先俾一小杯你試咗先，再倒入個玻璃樽比你帶走✴️外賣都可以體驗到咖啡溫差嘅變化，真係好少店鋪會花時間喺外賣上面，通常都係買完就走，好少會咁詳細介紹，所以成個感覺都幾滿意😄個玻璃樽仲幾靚添！