Video
Read full review
2014-09-25
833 views
今日又係超想食甜品，下晝拉埋有同樣嗜好既男朋友一齊搵好野食，身在灣仔都唔使驚冇甜品食，想試Oddies / 尋日飲食男女見到既churros twist , 先去Oddies , 原來得雪糕，所以揀左churros twist .一早睇左地址，唔難搵，英皇後面街（喜萬年酒樓對面）間鋪算大（相比市面上既雪糕店）光猛舒服，前面係收銀，同topping位，雪糕乳酪機，後面係廚房。落單亦有圖解說，簡單易明既123步，今日特別味道係焦糖，但係冇寫明係雪糕定乳酪，所以比較鐘意食乳酪既男朋友中左計😂雖然無問店員，不過乳酪機得一個出口應該得原味一種，雪糕機仲有雲尼拿味，睇飲食男女話可以2溝，店員冇講，我諗一般路人亦唔會知，間鋪冇其他客都冇招呼，我地入去咁耐都冇問過我地使唔使幫手就自己2個傾閒計😅呢樣改改佢啦。我叫左乳酪+3條churros（$38/杯）+朱古力醬+另加1款mochi配料（另加$6/款）；男朋友叫左焦糖雪糕+3條churros+焦糖醬+另加1款杏仁配料（$44）。Churros 係即叫即炸，呢個好抵讚，連K11 holly brown既waffle都係雪藏野，但呢間小店係即刻炸比你，呢下
一早睇左地址，唔難搵，英皇後面街（喜萬年酒樓對面）間鋪算大（相比市面上既雪糕店）光猛舒服，前面係收銀，同topping位，雪糕乳酪機，後面係廚房。
落單亦有圖解說，簡單易明既123步，今日特別味道係焦糖，但係冇寫明係雪糕定乳酪，所以比較鐘意食乳酪既男朋友中左計😂雖然無問店員，不過乳酪機得一個出口應該得原味一種，雪糕機仲有雲尼拿味，睇飲食男女話可以2溝，店員冇講，我諗一般路人亦唔會知，間鋪冇其他客都冇招呼，我地入去咁耐都冇問過我地使唔使幫手就自己2個傾閒計😅呢樣改改佢啦。
我叫左乳酪+3條churros（$38/杯）+朱古力醬+另加1款mochi配料（另加$6/款）；男朋友叫左焦糖雪糕+3條churros+焦糖醬+另加1款杏仁配料（$44）。
Churros 係即叫即炸，呢個好抵讚，連K11 holly brown既waffle都係雪藏野，但呢間小店係即刻炸比你，呢下好感動，churros放入乳酪唔會過熱整溶乳酪/雪糕，入口脆脆熱住加乳酪一齊食好正，churros唔會過甜，乳酪酸酸地好正（題外話：佢地聲稱98% fat free, 做健身教練既男朋友話low fat唔代表冇糖，食左都係肥，我即刻想打佢，哈哈，食得預左啦，掃興😅，講完）但我試食男友果杯焦糖，覺得好味d(隔離飯香），焦糖味好重，香味十足又滑，但男友又鐘意我果杯多d,所以可以下次再調轉試😂仲有我另加既配料糯米糍，食過咁多間呢間果d好似好味d,愈咬d糯米味愈香😋而家諗起都仲想食😂
最後我有疑問，間鋪前面咁大個位，就算唔整枱椅，都可以整塊板比想企響道食既客人用掛？我同男朋友企響道拎住唔知點好😅個人意見，整體都好好食。
Post
