京.花朝 (Closed)

好開心朋友從英國返嚟特登搵我食飯，你仲揀咗一間中式餐廳，菜式都係我喜歡食嘅北京菜。我們好早嚟到呢度，一個人都冇以為包左場，然後睇翻時間，原來而家先係6:00 ，七點嘅時候呢度已經爆曬棚。我們點左好多唔同嘅小食，而且有優惠，好似食滿500就有九折定八折嘅優惠。我哋兩個食咗咁多野其實好飽，都好抵食。呢間餐廳嘅服務員都係啲姐姐，佢哋的服務態度都唔錯。最後我哋喺度坐左差唔多三個鐘，因為環境好舒服其實可以不斷加茶，一邊飲茶一邊傾計，傾傾吓就傾左三個鐘。下次可以一家人嚟呢度食飯，我見到個北京烤鴨超想食，但係得兩個人食唔到，下次可以叫埋屋企人一齊食。