EaT燒肉

Open Now

Now Closed

最近周圍都好興一人燒肉，朋友介紹話呢間係沙田嘅一人燒肉又平又好食，咁就一於嚟試吓啦。雖然呢度唔特別近地鐵站，但係行過嚟都唔係好耐。一去到門口，發現原來呢度係外星主題，真係好特別啊，小朋友見到都好開心話要影相。呢度嘅牛肉真係非常高質，一睇就見到好新鮮，而且價錢非常平，性價比真係好高。因為小朋友唔食得好多肉，咁就叫咗個水冷麵俾佢食。平時食好少嘢嘅佢，今日都忍唔住係咁食。呢個水冷麵真係好開胃，非常適合夏天食。而我自己最鍾意嘅就係佢嘅牛舌，雖然切得好薄，但係食落都非常有牛味，口感亦都好好。呢度最特別嘅就係佢嘅燒肉送餐方法，係用一個好似UFO咁嘅容器，好似迴轉壽司咁樣送過嚟，大人小朋友都玩得好開心。買單嘅時候仲見到收銀處有好多贈品，小朋友都嘈住要換，所以下次都一定會再嚟呀。而家喺好多旺區，例如旺角尖沙咀都開咗好多一人燒肉，但係呢間真係比佢哋平同埋高質，而且外星主題好特別，唔怪得咁多人特登嚟試啦，我之後都一定會再介紹朋友嚟啊。