Video
Read full review
2022-02-23
609 views
我同我一班同事係Holly Brown嘅常客，因為一直都覺得呢度嘅職員好好，每次嚟到都有見到老朋友嘅感覺。但今日發生咗一件事令我從此會black list呢間餐廳。因為疫情關係，附近大廈又有人確診，想避免堂食，中午Lunch嗰陣我喺呢間餐廳叫咗個外賣咖喱雞肉飯。 當時我喺收銀櫃到等緊個外賣，我親眼見住一個戴眼鏡、個名牌寫住Sandy嘅餐廳職員喺放外賣入紙袋時將我個咖喱雞肉飯成個跌咗落地下，成個盒蓋爆開咗；連盒邊亦都裂咗，啲汁飛到埋嚟我腳邊。 其實，人有錯手，盒飯跌咗落地，要再等10分鐘拎盒新嘅真心無問題，反正我都係返公司食。 但呢位叫Sandy，自稱係經理同時係餐廳負責人嘅女職員一句對唔住都無，好冷漠咁同我講：「等等，換畀你」，就直接攞左嗰盒跌地嘅飯去廚房。之後唔夠兩分鐘就拎返落嚟，同我講已經重新煮過一份新嘅畀我。 我當然唔接受呢盒接觸過地面嘅飯。當時佢哋餐廳好冷清，而已經喺餐廳用餐嘅人，所有人檯上都有食物，所以根本無可能係佢拎原本俾人哋order嗰份嚟replace返我個跌爛咗嘅order。先唔講宜家疫情咁嚴重，就算無疫情嘅時候，咁樣成盒飯跌落地，連盒都跌爆埋都當無事，將個接觸過地面
當時我喺收銀櫃到等緊個外賣，我親眼見住一個戴眼鏡、個名牌寫住Sandy嘅餐廳職員喺放外賣入紙袋時將我個咖喱雞肉飯成個跌咗落地下，成個盒蓋爆開咗；連盒邊亦都裂咗，啲汁飛到埋嚟我腳邊。
其實，人有錯手，盒飯跌咗落地，要再等10分鐘拎盒新嘅真心無問題，反正我都係返公司食。
但呢位叫Sandy，自稱係經理同時係餐廳負責人嘅女職員一句對唔住都無，好冷漠咁同我講：「等等，換畀你」，就直接攞左嗰盒跌地嘅飯去廚房。之後唔夠兩分鐘就拎返落嚟，同我講已經重新煮過一份新嘅畀我。
我當然唔接受呢盒接觸過地面嘅飯。當時佢哋餐廳好冷清，而已經喺餐廳用餐嘅人，所有人檯上都有食物，所以根本無可能係佢拎原本俾人哋order嗰份嚟replace返我個跌爛咗嘅order。先唔講宜家疫情咁嚴重，就算無疫情嘅時候，咁樣成盒飯跌落地，連盒都跌爆埋都當無事，將個接觸過地面無數病毒細菌嘅飯就咁轉移去個新嘅盒，換湯不換藥咁畀返客人。
我同呢位「經理」再三表明，盒飯跌過落地，而廚房又無重新煮過盒新嘅，所以要求轉咖喱牛肉飯。但佢好堅持話唔可以、做唔到、唔啱公司規矩。原因係佢聲稱已經換咗盒新嘅畀我，言語間仲講到係我吹毛求疵咁。原來呢間餐廳係咁處理跌過落地嘅食物，真係完全刷新我對呢間餐廳，甚至對飲食業/服務業嘅三觀。
之後我同佢講，想同佢哋餐廳經理反映呢個毫無衛生概念同餐飲業應有處理手法嘅事。呢位職員聲稱佢就係呢間餐廳嘅經理。佢當時態度非常惡劣咁話「我就係經理，亦都係呢間餐廳嘅最高負責人，就算你要投訴都只會係我處理，咁你想點？仲要唔要盒飯？」
佢跌盒飯落地又唔道歉已經係第一個錯誤；當客人係白痴，就咁畀返原本跌落地盒飯原封不動，當無事發生咁畀返客人係錯上加錯。喺而家疫情咁嚴峻嘅時期，連基本衛生意識都無，點樣可以勝任做到餐廳經理？而呢個經理嘅處事手法，同我之前嚟食飯接觸過嗰個睇落係經理嘅男職員根本係天淵之別。呢個女經理一味淨係識講佢係經理，佢係呢間餐廳最大嘅，佢係話晒事嗰個，仲三番四次同我講當時我就算堅持要換另一個相同價錢嘅外賣都唔會有，而我點投訴都唔會有用。
最後我一出門口見到垃圾桶就掉咗盒飯，呢60蚊我當跌咗，去隔離Oolaa買無咁嬲，起碼人哋有正常服務態度。返到公司已經同晒其他成日嚟呢間餐廳食lunch/買外賣嘅同事講今日嘅事。
一句講晒，我同成班同事已經決定以後唔會再幫襯，同時亦會喺各大social media幫呢間餐廳宣傳佢哋餐廳經理咁獨特嘅處事手法。
完。
跌咗落地嘅咖喱雞肉飯
$60
22 views
0 likes
0 comments
Post
