樂天經典 (奧海城二期)

Open Now

Now Closed

星期六晚黎食飯，6人無book位，7:15去到好好彩仲有一張枱，建議weekend去要訂位。我中意佢依度有大中小份量揀，同埋好多餸都好好食。我中意佢既雞翼，中size有12隻，每件都大大隻多肉，肉身好滑同埋蝦醬味鹹鹹地好開胃。沙律排骨都ok既不過如果肉質再淋啲就好，試左兩次都比較‘’鞋‘’。最好食係扣肉包，個包好林口感鬆軟，加埋扣肉同加左唔知咩汁既生菜一齊食好好食。另外老鼠粉都好值得一讚，雖然佢唔係乾身，但食落好似大排檔一樣有鑊氣。服務方面，唔知係咪因為唔係好多人手，無論叫餸，定係加水，都舉手好耐先至會有人留意到。