廿一前 (Closed)

荃灣新開多元化放題店，地址：荃灣大鴻輝中心21樓，晚餐時段$198/人(未加一)，有火鍋🍲/串燒🍡/炸物🍤/刺身🍣/沙律吧🧀..等等。被安排坐中間的梳化卡位，坐位闊落，每人一鍋，我和朋友分別叫了泡菜味/蕃茄味湯底，窗邊梳化卡位則是共鍋的。除了飲品、火鍋配料、沙律吧同甜品外，其他食物都是劃紙仔落單的。鍋底上枱後，店員就隨即送上海鮮拼盤(有蝦/魷魚/帶子/蠔)及肉類拼盤(豬/牛/雞肉)各一。原來呢間放題店所有丸類都是來自大埔振興肉丸的😲，大埔最有名的肉丸店莫過於振興了，所以丸類方面比較高質，之前食放題店都唔會食丸類，因為通常難食，但我今次食丸多過食肉😂，振興丸真心好食，可惜呢間冇提供振興最出名的牛丸。今次刺身種類有三文魚/北寄貝/甜蝦/榮螺片/鯛魚/針魚/希靈魚/帶子/八爪魚，個人覺得刺身唔好食，雪味重不新鮮。炸物炸粉厚，不但唔脆而且炸得太硬。串燒分別可以選擇醬燒/鹽味/味噌三種口味，但串燒得太耐太熟有d硬，刺身炸物串燒需要有很大的進步空間。飲品方面：有兩個雪櫃，但基本上兩個雪櫃的飲品都是一樣的，款式選擇不多。