浦井韓食居酒屋 (Closed)

Isquare高層，成層都係餐廳。行下行下揀左呢間地方幾大，枱同枱之間幾闊。人流唔算好多，今日平日晚市大約六七成滿。幾光猛，坐得幾舒服！好大路既setting,佢個抽氣伸縮管係用鐵鏈鎖住， 位置容易控制，唔似平時果d咁難搞，升高左又會慢慢跌返落黎餐廳有幾個肉類嘅set揀，不過因為得兩個人，驚食唔曬，而且唔係樣樣啱食。所以最後都係單點左一牛一豬。豬腩肉都算係厚切，調味唔重。食到豬嘅原本味道，肉質嫩滑，新鮮。肥瘦平均牛腹胸調味比較重 肉質比想像中更加幼細，有驚喜！芝士炸雞(半份)都係因為兩個人嘅關係，叫咗半份就夠。芝士喺加喺面，唔係就咁調味，而且味道香濃，非常好！個炸粉稍為厚咗少少。整體嚟講都幾特別，幾好味！ 值得推介！芝士蛋漿鐵鍋飯上枱既時候鐵鍋好熱，自己將芝士同蛋漿搞搞搞。本身味道有少少辣，個人覺得唔係好夠，所以自己再加韓式辣醬咁就啱啱好。個飯撈完都唔會太濕，幾好！炸洋蔥一開始要為洋蔥係一條條，黎到係一圈圈，開心！洋蔥圈熟得嚟唔會太腍，時間控制得幾好可可控。 個雪糕係雲呢拿味 如果係朱古力就perfect啦！味道都幾好，用黎做今晚既結束好好！