Video
Read full review
2005-07-27
13 views
23-7-2005 1555這裡出名的並不是好似附近的乜乜牛腩或撈粗，而係多士。從星期三晚開始，各種類型麻煩事陸陸續續來，只有加，冇減，身心疲憊，心病連心藥也醫不到，真係想一跳落去就算，係既話十幾年前已經在地獄、天堂或已投胎重新做人。所有非工作上的約會要幾乎全部推掉，只有獨個兒才能去治這個不治之証。星期日應該係出去同屋企人、朋友、拖友及豬朋狗友出街的好時候，唯獨我喜歡在屋企靜靜地咁渡過，不是一般人的習慣，便要成為異族，俾人捨棄係好正常既事。下午時份，見悶熱及之前冇乜點食飯，落街食番補充體力去戰鬥。這間店應該係我第2次來，上一次應該係年半既事，冇計啦，之前又係發生太多事，攪左成半年先至好番的。一入來點了隔離舖的招牌菜，切腩撈粗，腩要坑腩，但係其他檯點其他粉麵，奇怪，唔理，唔改單，照去。上檯前，望住個師傅用毫油不斷攪動粗麵，撈好後便是落少少麻油，加埋切腩及少少通菜便上檯。都幾對辦，比較濕，就算唔係浸湯都可以，湯冇隔離舖咁鹹，牛腩係百分百坑腩，唔錯唔錯，口感一流，麵就冇乜鹼水味。本來諗住埋單走人，唔係好飽，食乜好呢？依稀記得這裡的多士唔錯，可惜冇乜人識欣賞兼往往會被人遺忘，這就是香港人習慣性
這裡出名的並不是好似附近的乜乜牛腩或撈粗，而係多士。
從星期三晚開始，各種類型麻煩事陸陸續續來，只有加，冇減，身心疲憊，心病連心藥也醫不到，真係想一跳落去就算，係既話十幾年前已經在地獄、天堂或已投胎重新做人。所有非工作上的約會要幾乎全部推掉，只有獨個兒才能去治這個不治之証。
星期日應該係出去同屋企人、朋友、拖友及豬朋狗友出街的好時候，唯獨我喜歡在屋企靜靜地咁渡過，不是一般人的習慣，便要成為異族，俾人捨棄係好正常既事。下午時份，見悶熱及之前冇乜點食飯，落街食番補充體力去戰鬥。
這間店應該係我第2次來，上一次應該係年半既事，冇計啦，之前又係發生太多事，攪左成半年先至好番的。一入來點了隔離舖的招牌菜，切腩撈粗，腩要坑腩，但係其他檯點其他粉麵，奇怪，唔理，唔改單，照去。上檯前，望住個師傅用毫油不斷攪動粗麵，撈好後便是落少少麻油，加埋切腩及少少通菜便上檯。都幾對辦，比較濕，就算唔係浸湯都可以，湯冇隔離舖咁鹹，牛腩係百分百坑腩，唔錯唔錯，口感一流，麵就冇乜鹼水味。本來諗住埋單走人，唔係好飽，食乜好呢？依稀記得這裡的多士唔錯，可惜冇乜人識欣賞兼往往會被人遺忘，這就是香港人習慣性的羊群心態，冇得救。講番正題，自己點了最簡單的奶油多，麵包已預先整定，然後烘底，搽完牛油再上練奶，本來冇乜奇望，一咬落去，好好喎，非常鬆化，唔硬，同勝香園有得揮，以後唔駛去咁遠食啦。
埋單28蚊，多士係6蚊，經濟抵食，抵食及味道5分係俾件多士，出門口後似乎搵到醫心病的方法！
題外話：後段的食評是差唔多在天光去完成埋尾工作，一路寫，一路聽緊鄭融既終身學習，其中一段歌詞係：“…縱使尋常地又失戀學習未會完直到有一天耐心等到美麗大團圓若快樂太少但太多兜轉從來未厭倦…”。
Post
