Video
Read full review
2019-12-30
801 views
呢日拎咗假去自行製作聖誕長假期，🎁Boxing Day後繼續放假，就梗係要食返餐好西賀賀佢。唔使返工所以瞓晏啲直接去食晏，呢日再次到訪Lex Coffee，無記錯應該係第三次！當年第一次嚟係因為行過見到落地玻璃好靚，又可以食甜品。之後再嚟，就因為去完第一次覺得唔錯☺️。今次weekday lunch time嚟，原來係有提供set嘅，估唔到餐廳連平日都坐滿哂人！我哋一人叫咗一個餐，午餐包咗是日湯羹配吐司同埋指定飲品。餐湯係蕃茄湯🍅，比較酸，我成個人即刻醒哂。隔離塊多士唔硬，正正常常。冬陰功海鮮意大利飯($158)。以前已經食過，有信心保證哈哈，不過造型好似唔同咗，以前用鍋上。意大利飯富有口感，大大粒，非常掛汁，但冬蔭功味比印象中辣🌶，BB辣者有機會頂唔順，不過好惹味、開胃！海鮮有2隻蝦🍤同一粒帶子，帶子幾大粒同鮮甜。香蒜橄欖油意粉配煙燻三文魚($148)，意粉上碟幾靚，有片花瓣🌸，採用扁意粉，份量超多，蒜味恰到好處、加上芝士碎，令到意粉唔會變得乾身。唯一有少少不足就係煙三文魚量唔係好多，差少少餸咁。飲品方面，朋友要咗熱美式咖啡☕️，而我就另外要咗雪橙冰紅茶($78)，嗌呢個主要係因為見到餐
呢日拎咗假去自行製作聖誕長假期，🎁Boxing Day後繼續放假，就梗係要食返餐好西賀賀佢。唔使返工所以瞓晏啲直接去食晏，呢日再次到訪Lex Coffee，無記錯應該係第三次！當年第一次嚟係因為行過見到落地玻璃好靚，又可以食甜品。之後再嚟，就因為去完第一次覺得唔錯☺️。今次weekday lunch time嚟，原來係有提供set嘅，估唔到餐廳連平日都坐滿哂人！
是日湯羹配吐司
20 views
0 likes
0 comments
我哋一人叫咗一個餐，午餐包咗是日湯羹配吐司同埋指定飲品。餐湯係蕃茄湯🍅，比較酸，我成個人即刻醒哂。隔離塊多士唔硬，正正常常。
冬陰功海鮮意大利飯
$158
24 views
1 likes
0 comments
冬陰功海鮮意大利飯($158)。以前已經食過，有信心保證哈哈，不過造型好似唔同咗，以前用鍋上。意大利飯富有口感，大大粒，非常掛汁，但冬蔭功味比印象中辣🌶，BB辣者有機會頂唔順，不過好惹味、開胃！海鮮有2隻蝦🍤同一粒帶子，帶子幾大粒同鮮甜。
香蒜橄欖油意粉配煙燻三文魚
$148
22 views
1 likes
0 comments
香蒜橄欖油意粉配煙燻三文魚($148)，意粉上碟幾靚，有片花瓣🌸，採用扁意粉，份量超多，蒜味恰到好處、加上芝士碎，令到意粉唔會變得乾身。唯一有少少不足就係煙三文魚量唔係好多，差少少餸咁。
雪橙冰紅茶
$78
22 views
1 likes
0 comments
飲品方面，朋友要咗熱美式咖啡☕️，而我就另外要咗雪橙冰紅茶($78)，嗌呢個主要係因為見到餐牌上嘅圖片好吸引🙈。紅茶一嚟到真係好吸晴，幾有氣勢，因為有2個茶壺，上層係先用熱水沖嗰個血橙茶包，浸出啲味，🍊橙味果然係好出好香。其後，浸到咁上下，就將上層壺茶倒落下低有冰個壺到，令佢變成冰茶。冰茶不減紅茶嘅濃，但凍咗橙味就無咁出，配上小杯子飲，有食緊afternoon tea嘅感覺，chill chill的😊。
16 views
1 likes
0 comments
呢餐又點少得甜品喎，甜品選擇唔算多，得4款，價錢其實唔貴，只係貴甜品舖廿蚊到。
意式提拉米蘇
$68
20 views
1 likes
0 comments
意式提拉米蘇($68)，呢個相信係招牌菜之一吧。作為一個tiramisu控😋，我對佢嘅評價都幾高。首先造型方面拎哂分啦，同平日杯裝唔同，呢個夠哂澎湃呀，啲芝士滿到瀉！索滿咖啡同酒香嘅手指餅配上純正嘅Mascarpone cheese，無得輸；我最憎啲舖頭用cream企圖胡混過去😡。雖然未算係我食過最好食嘅tiramisu，但整體都好好，可以encore。
法式焦糖布丁
$68
18 views
1 likes
0 comments
法式焦糖布丁($68)，以一個迷你鍋送上，好精緻；面頭焦糖燒得好靚😍，夾埋啲nuts食非常唔錯。雖然有少少甜，但蛋味勁濃郁，好thick，食完好耐陣蛋香仲停留喺口腔。
總括嚟講，Lex Coffee無令我失望，我甚至認為比起以前食物質素進步咗，款式又多咗👍。價錢方面，主食就有啲貴，平均起碼都要百中以上一個，甜品性價比就相對高(同埋好好食😋)。餐廳環境仍然係咁賞心悅目，好高樓底、夠開揚之餘，裝修同餐具都俾人好高貴嘅感覺，所以一入到嚟心情都自然地變得靚靚🥰。
Post
