戀上台式料理

Open Now

Now Closed

呢日同同事再次嚟到將軍澳南海旁呢度食lunch ，呢度有分戶外同埋室內，環境非常寫意。舖頭採用木係裝修，好有小清新感。店員服務親切，值得一讚。鹽酥大大雞扒:雞扒又大塊又脆，咬落嘅時候卜卜聲，內裏鮮嫩多汁，正_~戀上酸菜魚:酸菜魚我哋揀咗少麻少辣，魚肉鮮味，搭配薯粉、芽菜、木耳和豆卜食，口感層次豐富。食落酸酸辣辣，好開胃。鹽燒五花腩肉:店員俾咗個烤爐我哋自己燒，五花腩肉好肥美，醃得好入味，加埋個燒汁，味道又提升咗。陽春麵:陽春麵蕃茄湯底，配搭Q彈麵條，酸酸甜甜，好開胃。基隆市甜不辣:甜不辣有點彈牙，配搭醬汁吃，微微的酸辣，令人食完想再食。特色手工餃:餃皮Q韌可口，餡料豐富，餃子咬落爆汁。松茸燉雞:松茸燉雞飲完成個人暖笠笠，滋補又養生。