煮道 (Closed)

之前雜誌介紹過，見到食物圖片非常精美，睇賣相一流，咁啱無無聊，過去上環行吓，主要係嚟試食。－入店內，非常寬敞，有幾十個位，我同女朋友選擇近窗望街景。店員有禮貌遞上menu , 打開menu, 眼見有大概十款火鍋，亦有清楚介紹每個鍋用咩材料，例如美國穀飼肥牛，好，圖片震動味蕾，我揀呢個。我女朋友揀豬手鍋。湯底任揀，我哋揀咗麻辣湯底。大概10 mins, 有個講國語，五呎差兩吋嘅機械人捧個鍋出嚟，有趣有趣，set 佢講英文我like D! 上枱個鍋Ｄ餸整齊放滿鍋上，睇得出用靚料。每一個餸: 非－般牛丸，豆腐，蝦子包，各有特色，而日式蛋上印有呢間鋪logo, 肥牛份量算多，有八塊，而且夠麻辣味道－流。而豬手鍋，好稔，切細細舊，容易食，份量亦唔少。賣單兩舊水有找，下午六點前結賬仲免加－，食完超滿足，超飽，下次再嚟。