美國餐廳 (Closed)

第一城附近都有幾多嘢食嘅，不過呢間嘅款式比較多，同埋環境比較寬敞，所以選擇咗呢一間。呢間餐廳鄰近地鐵站位置都方便，食完早餐再搭地鐵出去上班上學，適合不過。醒神早餐嘅選擇都唔少，有通粉、米粉、出前一丁等等嘅套餐，仲有營養套餐、扒類、三文治等等。我點左個美式早餐，有香草雞扒配鮮奶炒蛋、焗豆、雜菜沙律同埋厚多士，超級豐富。香草雞扒唔算好油膩大大份。炒蛋有好香嘅牛奶味，雜菜沙律啲沙律醬幾多，厚多士就可以同蛋一齊食。朋友就點左另一個美式早餐，除咗香草雞扒換咗吉列魚柳之外，其他內容同我之前嘅套餐一樣。個人認為，吉列魚柳好食啲，用沙律醬配搭增添魚柳嘅層次味道。另外加左沙嗲牛肉湯米粉/通粉。米粉比平時食開嗰啲粗身。份量都OK，俾＄10加既。最後一個人大概＄50，豐富飽肚。雖然貴茶餐廳少少，但係咁嘅環境都合理。