Video
Read full review
2021-08-05
15 views
同朋友係奧海城shopping完, 佢帶我去左間係附近既餐廳食晚飯. 估唔到咁多人, 好彩我地早去, 坐底無幾耐就full. 門口彩色招牌好吸引, 入到裡面都係彩色佈置, 心情都舒服D.有部份食物係店舖限定, 當然要試下喇!泰式柚子蟹肉沙律因為泰式, 都有微辣. 好多柚子同蟹肉, 醬汁辣辣地酸酸地, 好開胃, 飯前沙律推介. 番茄同洋蔥都好清甜, 蔬菜都好新鮮!肉醬芝士四重奏千層麵面舖滿芝士, 肉醬份量足. 芝士好香, 千層麵熱辣辣, 鬆厚軟身, 夾埋一齊食真係一流!香烤乳豬配西班牙果酒燒汁真係要推介呢個乳豬, 乳豬皮超級脆卜卜, 一拮就分開, 肉質好香好嫩滑, 完全唔使用力咬. 加埋特製西班牙果酒燒汁, 甜甜地, 好好味! 仲有個薯蓉配菜都好食, 可能我本身鍾意食薯蓉喇~招牌甜品拼盤呢個甜品拼盤好有特色, 放得好靚, 有好多款生果, 焦糖香蕉, 士多啤梨, 哈蜜瓜, 提子, 番石榴等. 蛋糕方面有朱古力慕絲蛋糕同埋芝士蛋糕. 另外仲有雪糕, 竟然係姜味, 好特別! 香甜既生果配埋蛋糕一齊食, 唔錯!薄荷朱古力朱古力味好濃, 我至like, cream上面仲有朱古力醬, 仲有條朱古力手
同朋友係奧海城shopping完, 佢帶我去左間係附近既餐廳食晚飯. 估唔到咁多人, 好彩我地早去, 坐底無幾耐就full. 門口彩色招牌好吸引, 入到裡面都係彩色佈置, 心情都舒服D.有部份食物係店舖限定, 當然要試下喇!
泰式柚子蟹肉沙律因為泰式, 都有微辣. 好多柚子同蟹肉, 醬汁辣辣地酸酸地, 好開胃, 飯前沙律推介. 番茄同洋蔥都好清甜, 蔬菜都好新鮮!
肉醬芝士四重奏千層麵面舖滿芝士, 肉醬份量足. 芝士好香, 千層麵熱辣辣, 鬆厚軟身, 夾埋一齊食真係一流!
香烤乳豬配西班牙果酒燒汁真係要推介呢個乳豬, 乳豬皮超級脆卜卜, 一拮就分開, 肉質好香好嫩滑, 完全唔使用力咬. 加埋特製西班牙果酒燒汁, 甜甜地, 好好味! 仲有個薯蓉配菜都好食, 可能我本身鍾意食薯蓉喇~
招牌甜品拼盤呢個甜品拼盤好有特色, 放得好靚, 有好多款生果, 焦糖香蕉, 士多啤梨, 哈蜜瓜, 提子, 番石榴等. 蛋糕方面有朱古力慕絲蛋糕同埋芝士蛋糕. 另外仲有雪糕, 竟然係姜味, 好特別! 香甜既生果配埋蛋糕一齊食, 唔錯!
薄荷朱古力朱古力味好濃, 我至like, cream上面仲有朱古力醬, 仲有條朱古力手指, 咁多種朱古力夾埋一齊, 有齊唔同層次口感既朱古力, 好好飲!
Post
